Hello Hi Namskar...aapke saath hoon main deepti..

Indradhanush.  Doston zindgi ke rang har pal badlte rahte hain ... inn rangon se milkar banta hai ek khobsoorat indradhanush ..aur indradhanush me jo rang bikhre hain wo hain humari yaadon ke..kabhi kisi se milne se judi yaaden to kabhi kisi ke bichdne ki yaaden...kabhi koi aur rang janhan samna hota hai hakikat se..aur kabhi esa rang janhan chahat paida hoti hai jeene ki... aaj aapse baaten hongi innhin rangon se judi ...
doston yun to zindgi hume kai rang kudh dikhati hai lekin kai rang ese bhi hain jinme hum khud ko rang lena chahte hain aur ese rang jab zindgi me aate hain dil kahta hai....
Rang jane do aaj mujhko iss rang me
mera dil bhi chahta hai ...
udd jaun inn hawa ke jhokon ke saath
inn prindon ke sang me...
kuch badal jane do aaj iss manjar ko..
warna waqt kab badal jaye..
inn batale pallon meeeee................
Doston zindgi ka ek rang hai yaaden... wo yaaden jo kisi ke milne ki hain yani jab hum pahli baar kisi ko milte hain aur wo door baitha ho..to bus har pal khayalon me uska hi khayal rahta hai..shayad isliye ki aap usse jude hain aur bus issi soch me hum doob jaate hain ki shayad wo bhi hume yaad kar raha hoga..
doston ye zindgi hai isske rang hazar hain kuch hassen zazbaat hain to kuch gamgeen khayalat hain....
Har khayal ko dil me basalo
Jo chale gye hain unne phir se bulalo...
Ye waqt de raha hai abhi waqt
Kho jaye usse pahle, gale se laga lo....

Sapne....
            doston jeevan kitna anmol hai ye hum sabhi ko pata hai...phir hum q use keval isliye kho dete hain ki humari koi wish poori nahi hui ya phir hume koi apna nahi mila...
ye to jindgi hai aur usme uthar chadaw aana jana ek aam baat hai per jaroori ye hai hum apne sapno ko jiyen...koun se sapne? arre wohi chote chote sapne jo shayad humne bachpan me dekhe the....
To aaj esa kya ho gya hai jo hum wo sapne bhool gye hain ya phir unn sapno ko dekhna nahi chahte...
ek baar phir apni  usi jindgi me lout jaiye aur unn sapno ko dekhne ki koshish kijie....
Sapna haqikat ban jayega ..agar dil me jazbaat ko jinda karle..
ek ghar phir bas jayega ..agar prinde tinka ikkda kar le...

Sapna wo khoobsurat pal hai jisme aap apne saare gam bhula dete hai ..aur ek khyal ko apna bana lete hain
aur ye sapne aapko esi dunia me le jate hain janhan aapko pareshaan karne wala koi nahi hai..
apna har sapna jeena aapke bus me to nahi hai lekin ek koshish aapko aapke sapne ke kareeb jaroor kar sakti hai ....
aur kahte hain na ki aap jis cheez ko dil se chahte hain usse kayenat bhi aapko milane me saath jaroor deti hai...so jari rakhiye sapne dekhna aur sapno ko jeena....

Hawa ka rukh bhi bada ajeeb hai , kanhin thoda sarfira to kanhin gamgeen hai..
apni patang ki dor ko sambhal lo bus, hawa ke rukh ko nahi khud ko pahchan lo bus..
ye chamak zindgi ki kanhin khone na do har pal ko khushnuma bana lo
aur khud ko sone na do...

ek nazar kah uthti hai phasana..jab koi apna ban jata hai begana,
jaise khilti dhoop me nazar nahi aati boonden,jo paani main ban jati hain seep ka moti..

Har lafz ka apna ek matlab hai warna q ho jati hai Galatfahami khayalon me..
ye to wohi jane jiske man me ye anter hai.
Galatfahmi naam hai samjh ka ...apni apni soch aur dil ki kashmakash ka.
warna dooriyan to kabhi ki mit jati agar jindgi me ye galatfahami na rah jati.